الفرق بين الأول و الأخير ...

كثيرا ما يتبادر لذهن الطلبة حلم أن يصبح الأول .. على الفصل ...  على الدفعة .. أياً كان أو حتى ان يكون الاول في مسابقة او في لعبة رياضية .. 

ومن هنا سأبدأ ..

عشاق الساحرة المستديرة عارفين كويس الفرق بين اللي بيسخن قبل الماتش و بين اللي بيلعب على طول .. مش كدة .؟. والمعسكر المغلق و القصص دي ..

هو ده الفرق بالظبط بين الأول و الأخير في أي شئ ...  

الــــــتـــــــســــــخـــــــيـــــــن 

كل ما هتبتدي من بدري .. كل ما هتوفر على نفسك :

1 - توتر وقلق عند الامتحان 
2 - الضيق لعدم التفوق و التخلف عن اصحابك 
3 - المجهود المضاعف 

وربنا مش هيساوي ابدا اللي بيبتدي بجد من أول الدراسة و ما بين اللي بيكروتها في اخر كام يوم قبل الامتحان 

وعلى فكرة انا مش بقولك انك لازم تطلع الاول .. انا بقولك الفرق بين الاول والاخير .. ولك حرية الاختيار .. 

وزي ما هنعرف بعد كدة مع بعض .. ازاي تكتشف موهبتك بالاختبارات .. هنعرف ازاي نكتسب التفوق لانه اكتساب مش وراثة ( زي ما بعض الطلبة بيبرروا لنفسهم )

بوست النهاردة هدفه فقط التسخين ... و التسخين عبارة عن :
1 - اتعرف على المواد اللي هتدرسها التيرم الجاي 
2 - افهم كل مادة الهدف منها ايه ( فقط )
3 - حدد هدفك من كل مادة ( هتتعلم منها ايه ؟ هتجيب فيها كام ؟ و هكذا .. )
4 - ضع نوايا للمذاكرة و علقها بجوار المكتب او المكان اللي هتذاكر فيه .. لان النوايا بتفرق كتييييييييير في البركة و الثواب .
بس كدة ..

 : لو عندك سؤال او استفسار او اقتراح  ياريت تبعته على

 nahdtna@gmail.com

 ملحوظة : البوست ده خفيف عشان احنا لسة في الاجازة .. (؛
-----
البوست القادم هيكون عبارة عن النويا + لينك لاختبار راااااااائع عن كيفية معرفة التخصص المناسب ليك و شخصيتك بوجه عام 
دمت متفوقا مبدعا ..