الخميس، 25 أبريل 2013

وقفة لابد منها بسبب الأحداث الجارية ..

سؤال .. 
هو كلمة  نهضة بقت كلمة ( مش ولابد ) ولا ايه ؟؟
ولا هي اصبحت حِكر على الاخوان بس .. !؟

 انا ماليش في السياسة خاااالص و مش بحب اتكلم فيها ! ..
لأن زي ما بيقولوا .. إدي العيش لخبازه .. و اكتر حاجة مضيعانا دلوقتى ان كل من هب ودب بقى مش بس بيتكلم في السياسة .. لا .. ده بقى بيفتي فيها كمان .. الا من رحم ربي !

واللي متابع المدونة هيلاقيها كلها عبارة عن تدوينات بتصب في النهضة و التنمية .. سواء كانت مقالية او زجل او خواطر .. وهي من سنة 2008 .. يعني من قبل حوارات النهضة بتاعت الإخوان .. مع احترامي للجميع ... 

ممكن حد يتسائل .. طب و إيه لازمة الكلام ده .. واشمعنى دلوقتي .. ؟

لأنه بصراحه الواحد أصبح مستاء جدا جدا من ظاهرة خطيرة تفشت في مجتمعنا دلوقتى وهي ( التعميم ) 

انا اعرف ناس كتير بيكرهوا ( كل ) الاخوان .. عشان تصرف ( فرد ) بشكل سئ معاهم و كان هو اخواني .. وده على فكرة من قبل الثورة !! و للعلم انا مش بدافع ولا بهاجم .. انا بتكلم بالمنطق .

- ظاهرة تانية أسوأ و اسوأ .. وهي ( معاداه الأفكار بسبب سلوك الأفراد )

يعني الناس بقت بتكره التوجه الاسلامي عشان بعض اللي بيمارسوه .. بيمارسوه غلط ..!

طب ايه ذنب الدين في الموضوع ؟؟

زي بالظبط اللي بيعمله الغرب .. بيظلموا الاسلام .. بسبب بعض الارهابيين , مع الفارق في التشبيه طبعا ..!


أرجو ان احنا نحكم بموضوعية و تجرد ... فقط علشان بلدنا .. 

وكل عام و مصر كلها بخير 

------
ذات النطاقين
25/4/2013


هناك 3 تعليقات:

ليلى الصباحى.. lolocat يقول...

. و اكتر حاجة مضيعانا دلوقتى ان كل من هب ودب بقى مش بس بيتكلم في السياسة .. لا .. ده بقى بيفتي فيها كمان .. الا من رحم ربي !

والله اختى شعورك هو نفس شعور كتير من المصريين

الفئة التى تهب كل حين وتشعل الفتن سواء من الاخوان او غير الاخوان فئة لاتمثل الشعب ولا الدين

انا لست من حزب الاخوان لكن الحق يجعلنا نؤكد ان فرد واحد يخطىء منهم لايمثل الدين وليسوا جميعا على صواب والعكس فليس الجميع منهم على خطأ ولا ادرى لما هذه الحملة المكثفة عليهم واعتقد انها مجرد حملة ضد اى شعار اسلامى وهذا مايرهب المفسدين

كذلك باقى الاحزاب التى تشعل الفتن وتثير الناس لايمثلون الشعب كله

الناس زهقت وضاق بهم الحال بكل اشكاله واساليبه ونحتاج جميعا للموضوعية والحق والمحايدة لأجل رفعة البلاد ونجاتها من طوفان الفتنة القادم

نسأل الله سلامة مصر وشعبها ويهيىء لنا من امرنا رشدا ويحكم شرع الله فينا ويولى علينا الصالحين

دمت بخير وتحياتى بحجم السماء

Unknown يقول...

عندك حق والله .. القاعدة العريضة من الناس زينا كدة ..

ربنا يرحم مصرنا ويعف عنا ..

دمت بخير حال .. واسعدني مرورك جدا

Rehab Alshenawy يقول...

م م