قلبي .. وقف لله تعالى

سؤال :

ياترى انت قاعد عالنت دلوقتي ليه ؟

يا تري بتدخل على الفيس كل يوم ليه ؟؟

يا ترى بتروح كليتك و لا شغلك كل يوم بنية ايه ؟

طب لو انت ربة منزل وبتربي اطفال .. نيتك إيه ؟


معلومة :

هل تعلم ... إن كل لحظة بتعدي علينا من غير نية هي لحظة ضائعة من عمرك ... أو قد تكون ساعة .. أو أيام  ... وربما سنوات .

أكيد ربنا خلاك تقرأ الكلام ده لحكم ما .. وأكيد انك لو مش بتنوي وانت بتعمل أي حاجة .. يبقى خلي النهاردة يوم فاصل في حياتك و ابدأ انوي ..

الموضوع مش صعب و مش سهل ..

مش صعب ... لأنك هتعمل نفس الاعمال اللي بتعملها و لكن قبلها هتنويها لله ... زي المذاكرة مثلا .. زي شغل البيت ... الخ 

و مش سهل لإنه محتاج تذكر بس ..

معلومة أخرى :

هل تعلم أن شرط العمل ان يقبل مننا هو : النية + انه يوافق الشرع ..

يعني نية حسنة + عمل يغضب الله = غضب من الله
يعني مثلا أنا هسرق ( عمل يغضب الله ) عشان اتصدق عالفقراء ( نية حسنة )
 وضحت ؟؟

نية سيئة + عمل صالح = عدم قبول العمل و قد تعاقب عليه 
كمثال  : أنا هتعلم قرآن ( عمل صالح ) عشان الناس تقول عليا قارئ صوته حلو مثلا ( نية سيئة ) = سيئات 

 أمال ايه الصح؟

عمل صالح + نية صالحة = رضا من الله و بركة و ثواب و و و ...

طب ايه الحل :

1 - حاول عند كل عمل تقول أنا نيتي ايه في العمل / المشوار ... ده ؟ 
( الموضوع مش سهل في البداية بس بعد كدة بيحصل من غير تفكير لأنه بيصبح عادة )

2 - ركز على الاعمال اللي بتاخد وقت طويل و ضع ورقة تذكرك بالنوايا الخاصة بهذا العمل 
يعني عند المكتب ضع نوايا المذاكرة .. في المطبخ ضعي ورقة تذكرك بنوايا الأعمال المنزلية ... وهكذا

3 - ادعي ربنا دايما انه يرزقك الاخلاص والنية ...

4 - اتفق مع واحد صاحبك   انكم تساعدوا بعض على تذكر النوايا ..

وإن شاء الله هحاول اذكر نوايا للأعمال اللي بتاخد وقت في مواضيع لاحقة بإذن الله
-------------
اقرأ أيضا عن النوايا :

مفاتيح الترويح

وانوي ان قلبك يكون وقف لله تعالى (: 

دمتم بخير