طريقك للتفوق العلمي ( المحطة الاولى )

دعنا نتفق مبدأياً على....

* * * *

1 – هذه السلسلة ستعلمك مهارات المذاكرة .. لتحصل على أعلى التقديرات والدرجات باقل مجهود إن شاء الله ( يعني في مجهود هَيُبذَل ...  عشان نبقى على نور من أولها ! )

2 – لازم يكون عندك استعداد للتغيير و التطوير و الا هتكون بتضيع وقتك و مجهودك .

3 – هدفنا هو " التميز العلمي " وليس " النجاح " فقط .

و معادلة التفوق هي :

تغيير قناعات + اكتساب مهارات + أخلاقيات =

  التفوق 

التفوق رحلة :

في السلسلة هتعرف الطريق كويس ( ان شاء الله ) 

و هنتعرف على مطباته ..

و هتعرف تاخد معاك ايه في الرحلة 

و ايه اسرع وسيلة مواصلات 

لكن مين اللي هيمشي و يقرر انه يطلع الرحلة ؟

أنا .. ؟ ولا .. انت ؟

* * * * * 

هسيبك مع شوية احصائيات تعرفك مدى  احتياج الأمة لتفوقك ... ونلتقي في المحطة القادمة بإذن الله 

* * * * *

ما هو حال أمتنا علميا  ؟؟ 

( بعض الحقائق )

أولا : الأمية :

الدولة	السن	نسبة الأمية	المصدر
مصر	فوق 15 سنة	29,6 %	( تقرير التنمية البشرية عن الامم المتحدة 2006)
اسرائيل		2,9 %

ثانيا : نزيف العقول العربية إلى أوروبا و أمريكا ( Brain Drain )

دراسة : " 54% من الطلبة العرب الذين يدرسون بأمريكا وأوروبا لا يعودون لبلادهم " .

ثالثا : نسبة أعداد الباحثين :

الوطن العربي كله ---> 0,3 %

اسرائيل فقط --- > 0,5 %

رابعا : نصيب المواطن من الانفاق على التعليم :

مصر : 6 دولار

اسرائيل : 922 دولار

* * * * * 

يارب اكون قدرت اوصل الفكرة ...

و نساهم ولو بجزء ضئيل في نهضة الأمة 

دمت بخير حال عزيزي القارئ ... 

أو الطالب (: