لسة جاية من فرح واحدة صاحبتي . .. عقبالكم جميعا ..
بس للأسف جاية زعلانة .. وكنت هعيط من الغيظ ..
لييييه ؟؟؟
لانها ( العروسة الملتزمة ) كانت مشغلة اغاني خادشة للحياء ..
مش هقول حرام ... عشان الناس اللي بتحب الجدل تاخدها من قاصرها و ما تجادلش ..
فعلا كلام الاغنية قبيح و كلمة " خادش" دي قليلة والله ... ده هو جارح للحياء ... بل " قاتل " للحياء ..
المهم ..
قمت مطلعة فلاشة معايا عليها اغاني اسلامية ... هي اغاني برضو ينفع نسقف معاها و ظريفة وفيها موسيقي كمان ..
( لان انا باخد بالراي ان الموسيقي ليست حرام طالما الكلمات توافق الشرع و المغني رجل أو أطفال وليس امرأة )
شغلناها شوية .. والبنت اللي قاعدة عالكومبيوتر قامت مشغلة تاني .. الاغاني اياها .. قمت روحت قولتلها تشغل
الاغاني اللي انا جايباها .. قالتلي بس هم امبسطوا من دي و بيسقفوا عليها كمان و بيرقصوا !!! اقفلها يعني ؟؟!!
قمت روحت للعروسة ذات الشخصية القوية جدا بل والكاسحة ( من موقف كانت بتفاصل فيه مع سواق تاكس كان الراجل عامل زي الكتكوت قدامها من كتر ما شخصيتها قوية )
وقولتلها تقول للبنت انها مش عاوزة الاغاني دي .. قامت قالتلي ... !!
قوليلها انت !!
قلتلها انت العروسة .. انت اللي بإيدك الموضوع كله .. ما اتكلمتش !!
.. قمت كلمت البنت تاني و قلتلها ان العروسة بتقوللك بلاش الاغاني دي .. راحت موقفة مؤقتا .. وبعدين شغلتها تاني ..
انا كان ممكن اتنيني لاخر اليوم بعمل الموقف ده لولا حاجة حصلت .. ايه هي ؟؟
اني لا قيت العروسة متفاعلة مع الاغنية و بتسقف ولا كإن في حاجة .. لما قلتلها : المفروض ما تشغليش الاغاني دي عشان تبتدي حياتك صح وربنا يباركلك فيها ..
صحابها قالولي : ايه المشكلة احنا بنات في بعض .. راحت هي قالتلي : ايوة .. ايه المشكلة ؟؟
صحيح .. ايه المشكلة ؟؟
انك تبتدي حياتك بمعصية .. ايه المشكلة ؟!
انك تسن سنة سيئة ... ايه المشكلة ؟!
انك تجاهر بالمعصية وتسمع الجيران كمان .. ايه المشكلة ؟؟!
ان اخواننا بيموتوا في غزة .. و تبقي مش عارف تقول للباطل لأ .. ايه المشكلة ؟؟
ساعتها .. من سكات قلتلها سلام عليكم .. و روحت ..
لان وجودي فيه اثبات للوضع .. وكأن مافيش حاجة غلط .. وكمان لازم اتفاعل ودي المصيبة الاكبر .. يعني اقرار مني بالموافقة ..
-----------------
أنا مش هتكلم علي الاغاني القاتلة للحياء او خلافه .. والا كان البوست عنوانه بيدل علي كدة ..
لكن العنوان .. صُحبتك .. شخصيتك
انا لما كنت بسمع قصة عقبة بن ابي معيط .. وانه كان خلاص هيسلم على ايد الرسول صلي الله عليه وسلم لولا صديقه ابو جهل كنت ببقي مش مصدقة .. لكن دلوقتي عرفت يعني ايه اصدقاء .. و اد ايه بيأثروا علي الواحد مهما كانت شخصيته قوية زي صاحبتي دي .. او زي عقبة بن ابي معيط .. مع الفارق طبعا في المواقف ..
وانا راجعة من بيتهم مشي رغم انه بعيد ..
راجعت شخصيات صحابي قدام عنيا .. و تخيلت نفس الموقف وانا مكانها وقولت الحمد لله اللي رزقني بصحبة صالحة تثبتني علي الحق .. مش تجرني للنار
ياريت تراجع صحابك و انت هتعرف .. يا ترى شخصيتك قوية .. ولا ضعيفة ..
قوية بالحق لو اصدقاء صالحين ... ضعيفة بالباطل لو اصدقاء سوء ..
ولا انت ايه رايك ؟؟
هناك 49 تعليقًا:
صدقت كلماتك المعبره والله يأ اختي الكريمة
طب عارفه
انا كنت من المواظبين على سماع الاغاني ، وكنت أعلم انها حرام ، لكني كنت بسمعها غصب عني .. وبسمعها من زاوية اني معتقد اني مش متعلق بيها التعلق الشديد اللي يلهيني عن ذكر الله ..
بمعنى اني ببقى مبسوط ومزاجي كويس وانا بسمع الاغاني وشايف اني مبضرش حد بسماعي ده واني مش بضر نفسي
لكني اكتشفت الامر الخطير في الامر ، وهو انه المسألة والله تتعلق بالتعود
يعني انا اكتشفت اني فعلا مكنتش بسمع اغاني الا نتيجة تعود فقط
ولما قللت منها تدريجيا وزاد تدريجيا كم وكيف سماعي للقرأن بدأت انساها والله بجد
وبجد انا فرحان من نفسي جدا وحاسس ان نفسيتي احسن لما بعدت عنها
وان شاء الله ربنا يثبتي على كده
ومن طقوسي اللي بعتبرها جميلة الحمدلله ، اني لما بسمع قرأن ..وتعلق في دماغي سورة معينة وبصوت حد معين .. أقعد طول الوقت ليل ونهار أرددها كتير مع نفسي وببقى في غاية السعادة
وفعلا زي ما قولتي حضرتك ، فعلا الصحبة لها تأثير في تكوين شخصية وسلوك الفرد ، واحمد الله ربي ان كل صحبتي ناس كويسين الى حد كبير
وربنا يلهمنا جميعا تقوى الله والابتعاد عن المعاصي ولو بقدر وتدريجيا هنتعود على الصح
بوست رائع بحق اختي الكريمة
بارك الله لنا فيكم
في حفظ الله
راى زيك بالظبط
زالله لسه كان فرح احدى قريباتى
وفى اخره كان فى كلمه عن غزه وجمع تيرعات من كل فرد...
قوره جميله بالمقارنه بالاخرين
الا ان البعض يضحك لاننا فاكرين الشهداء
والابرساء فى كب وقت!!!
بصي كلامك صح ماقدرش اقول حاجه عنه بس خليني اكون صريحه انا لو مكان صاحبتك هشغل اغاني انا عارفه انها غلط وكله بس ماهما كلهم بنات مع بعض وكده فيعني مافيهاش حاجه لما نروح على نفسنا شويه او نرقص حتى كمان بادام كلنا بنات انا ده رايي ويمكن صادر من اني بصراحه بسمع اغاني ومش بعتبرها حرام بس الاحسن انها تختار اغاني مش نخدش الحياء بس
تحياتي ليكي واحترم رايك جدا بجد
قلم رصاص
ربنا يبارك فيك و يحفظك ويثبتك علي سماع القرآن و كره الأغاني
جزيت خيرا لمرورك
**********
dodda
ربنا يكرمك .. وبرافو عليكي انك جمعتي تبرعات في الفرح .. بس اوعي تعمليها في المواصلات لانها تبقي قضية وسين وجيم وخلافه .. لاني بشوف ناس بتعمل كدة في المترو
جزيت خيرا علي التعليق
**********
حاسوباتية
هي المسألة مش مسألة بنات في بعض .. المشكلة ان كلام الاغنيات قبيح في حد ذاته .. حرام يعني ... وهو ده اللي انا معترضة عليه .. يعني هم كانوا بيرقصوا وانا ما اعرتضتش علي الرقص لاننا بنات فقط لكن الاغاني لأ .. واظن ده واضح في البوست
ربنا يهدينا جميعا .. جزيت خيرا لمرورك الكريم
حبيبتى ذات النطاقين
فعلا الأصحاب اكبر دليل يدلك على شخصيتك
ربنا يهدينا و يثبتنا
دعواتك حبيبتى
ومن هناأيضاأحب أن احيى(قلم رصاص)
ربنا يثبته و يثبتنا كلنا يارب
تحياتى
zainab elmosalamy
شكرا لمرورك
جزيت خيرا عليل التعليق
السلام عليكم ورحمة الله وبركاتة
معلش يا اختى
اصل بعض الناس بتقولك
اهى ليلة فى العمر
واللى تقول وتزعلى الناس منك لية
انبسطى وافرحى هو انتى هتبقى عروسة كام مرة
والكلام من دا كتير
بس ارجع واقولك
لو العروسة ملتزمة بجد وعرسها كمان ملتزم
كانوا اعانوا بعض وعملوا فرح مفيهوش اغانى زى دى
بس ممكن يكون زوجها مش ملتزم
علشان كدا انا بفضل ان الملتزمة تتزوج واحد زيها
علشان تفكرهم يبقى واحد
ويعينوا بعض على طاعة الله
دمتى بالف ود
حتي تشرق الشمس
*******
للاسف
الزوج والزوجة من الملتزمين .. بس المشكلة في صحاب الزوجة
صحبة سيئة فكانت شخصيتها ضعيفة قدامهم
شكرا لمرورك .. دمت بخير
الأخت الفاضلة: ذات النطاقين
السلام عليكم ورحمة الله وبركاته
أولاً: أشكرلك زيارتك الكريمة لمدونتى
وثانياً : أحييك على مدونتك وعلى نهجك الطيب بها.
بارك الله فيك وأعزك
وحفظك ورعاك وسدد على طريق الحق خطاك
أخوك
محمد
ذات النطاقين مدونتك جميله واسلوبها سهل وكلماتك تدخل القلب رزقك الله الصحبه الصالحه لان من احب قوم حشر معهم جعل الله احبابك واصحابك ممن رضى عنهم الله ورضوا عنه
موضوع رااائع حبيبتى اسماء
وهى فعلا قضية منتشرة جدا الايام ده
بس احيانا فى ناس بتتعرض لاصعب من كده وبيكون صعب عليها انها تمشى زى ماانتى عملتى
انا اعرف واحدة يوميا بتسافر فى باص تبع الجامعة بتاعتها والولاد اللى معاهم فى الباص لازم يشغلوا اغانى فى الرايحة والجاية وغصب عنها بتسكت لانها بتتجنبهم وبترجع تعيط من خوفها على وجودها فى الجو ده
ربنا يثبتها يااااارب
جزيتى خيرا حبيبتى
ربنا يثبتنا على الحق
بوركتى اختى
ودمتى بخير
دعواتك نحن فى عز الامتحانات:(
اختى فى الله ذات النطاقين جزاك الله خيرا على هذه التدوينه لقد أحييتى أمرا مهما يستسهله الكثيرين ولكنه يخفى من العواقب الوخيمه والسبب أن غضب الله ليس أمرا هينا والله معنا كل وقت وكل حين ومن الممكن جدا أن نفرح ونمارس ما يحلو لنا مع الأناشيد الاسلاميه فقد تقدمت كثيرا لتساير جميع الأذواق ولكن ما يزينه الشيطان !! أحب أن أختم (عبدى لما جعلتنى أهون الناظرين اليك )
محمد الجرايحي
اهلا بيك في المدونة و جزيت خيرا كثيرا
********
بستان الحب
نورت المدونة .. شكرا علي مجاملتك .. يارب ما تكون زيارتك الأخيرة
************
آلاء محيي
ربنا يكرمك و يخليكي ..
ويثبت صاحبتك يا رب .. موقفها صعب فعلا .. بس هي مضطرة .. لكن انا ما كنتش مضطرة .. لذلك كان لازم امشي
***********
هند
اهلا بيكي في المدونة .. يا ب تزوريها علي طول
وجزيت خيرا علي رأيك
عقبالك ياحبيبتي ويكون فرح اسلامي زي ما انت عاوزة وتكون دعوة منك للناس تقارن بين جمال الفرح الاسلامي والفرح الآخر..بس ابقى اعزميني وشغلي اغنية (جمع ووفق)الأغنية دي جميلة وهتحبيها
ربنا يرزقك بالزروج الصالح يارب
جهاد مشالي
نعم أختى الفاضله
المرء على دين خليله
والصحبه تؤثر
ويجب تنقيه الصحبه أولاً بأول
----------
مدونه قيمه وملتزمه
وسعدت بزيارتها
وسأعود لأستكمال جولتى
وتقبلى تحيتى ومرورى
حفظك الله وأعزك
حاجــ عيال ــات
جزيت خيرا علي مرورك .. ربنا يسمع منك
يا ريت تديني لينك الاغنية اللي بتقولي عليها دي
شرفتيني
**********
واحد من العمال
شكرا لمرورك وابداء رأيك في المدونة والموضوع
نورت المدونة .. في انتظار زيارتك مرة أخرى
السلام عليكم
تحت امرك ياحبيبتي ارفعهالك ولو تحبي ميلي موجود في البوست الاخير على المدونة بتاعتي ممكن ابعتهالك اون لاين لو تحبي
أنا بدرس رياض اطفال
ومش متزوجة
مدونتك جميلة أوى
والبوست جميل
بارك الله فيكى
ودى أول مره أخش مدونتك ومش هتكون الاخيره ان شاء الله
جهاد
ربنا يكرمك .. انا كنت فاكراها عالنت جاهزة .. خلاص مافيش داعي تتعبي نفسك
********
سارة عبد الهادي
ربنا يعزك .. وشكرا لذوقك
نورتي المدونة
ربنا يثبتك حبيبتى ويهدينا جميعا الى ما فيه الخير والصواب ..آمين
اللهم أرنا الحق حقا وارزقنا اتباعه وأرنا الباطل باطلا وارزقنا اجتنابه
والسلام ختااااااام
صح الصحبه دي مهمه قوي
بس بجد انا بدايق قوي الايام دى ان اروح فرح وفى مذبحه فى غزه بحس اننا وحشين قوي
مش عارفه ايه الصح
جزاكى الله كل خير يا حبيبتى
وثبتك الله على الحق
قالوا قديما فى المثل : الصاحب ساحب
اللهم بارك لنا فى صحبتنا الصالحة وارزقنا بها دوما إن شاء الله
نتمنى أن تشرفينا بالزيارة فى مدونتنا
جزيتم خيرا
وصدق من قال الصاحب ساحب
ولكن مين الناس دول اللي ليهم نفس يفرحوا الايام دي
والله بارك الله فيكى وفيما صنعتى
ويارب يارب يارب كلنا نهتدى وبلاش نبدا حياتنا من اولها بمعصية
يارب اهدنا جميعا يارب العالمين
تحياتى بكل ود
ربنا يكرمك
انا استفدت اوى من كلامك الحقيقه
لان الصحبه فعلا ممكن تدفعك للاحسن وممكن تدفعك للاسوأ
المهم نعرف نفرق
بالنسبه للافراح فالاسلاميه منها للاسف لا تلقى قبول الكثيرين
ولكننى حضرت واحد منها لفرقه اسلاميه
كانت ممتازه وعجبتنى جدا لان كلامهم فعلا مفهوم المعنى والكلمات
بس طبعا انتى ما تقدرى تفرضى رأيك على حد
بس تقدرى تحددى وجودك او عدمه
سلمتى دايما
الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
الدنيا دنية بتتدنى بافعالها وافعال قادتها
فلم اتمنى العيش لارى غزة وما جرى بتربتها
بشاعة وشنـــــــاعة وقسوةحتى فى ابادتها
اراضى مقدسة دنــــست بالهمجية ووحشيتها
وبشريـــــــة مريضة لاظهار عنف شراستها
فيا ارض انشــقى وابلعينا لتطهر حركتها
فلا نستحق الحياة بعد ان فقدت الدنيا براءتها
والموت لذئاب لم تفهم رسالة السماء او قراءتها
نبض الحياه
ربنا يكرمك ويثبتنا جميعا
آمين
**********
no way
اللهم امين
اهلا بيك في المدونة
نورتني
*********
GiGi
هي الدنيا مش هتقف عشان احداث غزة .. ولو كانت الحياة هتقف عشان مصيبة كانت وقفت لموت الرسول صلي الله عليه وسلم فلا مصيبة اكبر من كدة
لكن المفروض لما نعمل حاجة نعملها علي شرع ربنا
شكرا لايجابيتك
To Be (Or) Not To Be
جزانا واياكم
نورتي المدونة .. سأزور مدونتك ان شاء الله
***********
أحمد سعيد بسيوني
جزانا واياكم
هو صحيح الواحد متضايق .. بس الحياه مش هتقف برضو
شكرا لمرورك
شرفتني
************
SemSem
ربنا يبارك فيكي
جزيت خيرا كثيرا
و شكرا لمرورك
-************
بسنت
نورتي المدونة
والحمد لله ان كلامي في حد استفاد منه ..
ربنا يعزك
ما تقطعيش الزيارة بقي
**********
كلام على بلاطة
كلامك جميل جدا .. ربنا يزيدك موهبة
نورت المدونة ..
دمت مبدعا
بصراحة الموضوع بالنسبة لى ليس الاغانى ونوعيتها , وانما ما لا افهمه هو كيف لمسلم او عربى ان يقيم عرسا فى هذه الظروف ؟!!!!
عبد الله المصري
أولا نورت المدونة واهلا بيك دايما
ثانيا .. هي الحياه مش هتقف وانا وضحت الموضوع ده في تعليق سابق
ولو كانت الحياه هتقف كانت وقفت لموت الرسول صلي الله عليه وسلم .. فا مش حرام ان احنا نمارس حياتنا .. و الناس تتجوز عادي ..لكن المهم هنفرح ازاي
و لما نغضب ربنا في الفرح يبقي كدة بنضر اخواننا في غزة
جزيت خيرا لتعليقك .. و دمت بخير
جزاكم الله خيرا
اذا اردت ان تعرف من انت انظر من تصاحب
المرء على دين خليله
توقفوا عن قول كلمة اسرائيل قولوا اسراهل
اسرائيل هم اسم نبى من الانبياء نؤمن به نحن المسلمون كنبى وما تفعلة و ستفعله و فعلته اسراهل هو اهانة لكل مسلم باتخذاها هذا الاسم وتحد لنا
فاسراهل دولة لا قانونية استمدت شرعيتها ممن لم ولن يعطنا حقنا فقد ولدت بالدماء و الاشلاء و النار
على انقاض و اشلاء وطن مسروق مستمرة فى عدوانها على الاطفال و الرضع
فنحن توقفنا من الآن وصاعدنا عن الاعتراف باسراهل حتى باسمها الحالى عربيا و عالميا
فسنتوقف عن قول الاسم الذى سرقتة و تستغلة و سنلزمها باسم اخر فى كل كتابتنا و اعمالنا
هو اسراهل
IsraHell
غرض هذة الحملة هو الارشفة العالمية الحقيقة لهذا الاسم الجديد
من فضلك التزم بهذا الاسم الجديد فى كل اعمالك و كتاباتك و تصميماتك و محادثاتك
اسراهل لا تريد السلام بل تريد الدماء و الخراب
من فضلك اكتب عن هذة الحملة فى مدونتة فى منتياتك فى كل المواقع التى تشارك فيها الاجتماعية او الشخصية
ساهم معنا فى نشر هذة الحملة
————————————————————-
Stop saying Israel , Say IsraHell ,
in tour writing , chat , conversations , and an artwork .
Please forward this campaign .
ًWrite about This campaign in your blog , journal , forum
make artworks , cartoons , write articles .
Please write about this campaign and say israHELL
اخواني وبحب بلادي
كلام مظبوط
نورت المدونة
السلام عليكم ورحمة الله وبركاته
امممممممممممممممممممممممم
الاغاني ده بقت داء انا برده يعني انا بقول الاغاني حراااااااام حتى وان كانت كلامها اسلامي مادم بموسيقى لان الغاية لا تبرر الوسيلة لاكن بغض النظر
اذا بدات حياتي وتغاضيت عن الاغاني اللي هيا مش محترمة علشان السعاده في اول يوم فيعالم هتتغاضى صحبتك او من امثالها عن ايه في اول شهر طبيعي هتتغاضى عن عدم ذهاب زوجها للصلاة علشان الحياة تمشي ربنا هيهديه
وهتتغاضى عن عدم قراءة القران علشان الحياة تمشي الخ
لحد ما تتملى الحياة مشاكل وتحصل الخيانة
او يعيشوا من غير احترام لبعض
الخ
موضوعك جميل تحياتي
معك الحق كل الحق فيما قلتى، فللأسف معظم الناس غير واعى الإ من رحم ربى، وبيفصلوا الدين عن الحياه فتجديه يصلى ويصوم ويقوم بجميع العبادات وبعدين تلاقيه بيزوغ فى الشغل .. سايب بنته او زوجته سافره؟؟
وللأسف اللى يفكر زيك كده يقولوا عليه رجعى متخلف يا سيدى خلى الناس تفرح، تفرح؟ تفرح بالمعاصى والذنوب وزى ما انتى قولتى الواحد المفروض يبتدى حياتته بطاعه ترضى ربنا علشان يوفقه فى بداية حياته...
وشكراً لتشريفكم مدونتى حيث تم الرد على تعليقكم، وعلى فكره انا من عين شمس برده.. تحياتى
الفقير الله
اهلا بيك .. وطبعا اختلاف الرأي لا يفسد للود قضية
جزيت خيرا لمرورك الكريم
-------
واحد من الناس
نورت المدونة
و شكرا لرأيك
شكرا اختى على هذه التدوينة وعلى هذه التذكرة اللى اعتقد انها فادتنا كلنا
عارفة انا فعلا بقابل مشكلة فى حكاية اغانى الافراح يمكن لاننا الى الان لسنا مش قادرين ننتج اغانى افراح اسلامية بقدر عالى من الجودة تخلى الناس يقبلوا عليها
بذرة أمل
اهلا بيكي .. للاسف عندك حق
محتاجين اغاني واعلام اسلامي قوي يقدر يواجه الغلط اللي موجود
جزيت خيرا لمرورك واضافتك
دمت بخير
انا مش متشاؤم من اللي هيحصل انا بس بتوقع طبعا احنا المفروض واجبنا ان احنا ننصحهم وانا ولا اي حد يقدر يقول ان اي واحد بدأ حياته باغاني حياته هتكون تعيسه انا معرفش لاني انا مش الله
يعني طبعا احنا هنروجوا ان ربنا يتوب عليهم في ناس كانوا كفرة ولما اسلموا بقوا احسن مننا محال دول بيسمعوا اغاني وبغض النظر هما مسلمين اكيد لما يتوبوا هيهديهم ربنا
واكيد انهم بيحبوا ربنا زينا وبيحبوا الرسول صلى الله عليه وسلم
انا حبيت اوضح لاني حسيت اني تعليقي متشاؤم ومفسرش اللى كنت عاوز اقول
وطبعا الاختلاف في الراي لا يفسد للود
قضية
تحياتي
الفقير الى الله
من غير ما توضح انا فهت قصدك
ولكن جميل انك وضحت برضو
وعلي فكرة صحبتي دي كويسة .. وعملت معايا موقف جدعنة .. انا لا يمكن انساه ابدا
ربنا يهدينا جميعا لما يحب ويرضي
دمت بخير
م/ الحسيني لزومي
جزيت خيرا علي التذكرة .. عندي بانر يوصلك لقائمة المقاطعة .. ممكن حاضرتك تحطه عندك
دمت بخير
أمام موقفي السلبي وموقف الانسانية التي ماعاد يشرفني الانتماء اليها أعلن أنا شكيب أريج أني أدخل في إضراب عن الطعام إلى حين موتي..
قد يبدو موقفي سلبيا لكنه أحسن من موقف الفنانة السورية التي تعرت في ساحة بأمريكا احتجاجا على ما يقع في العراق وفلسطين..
وقد يبدو أن لا جدوى منه لكن اللاجدوى الحقيقية هي أن لا يحرك أحد ساكنا وأن نكتفي الشجب والندب..
أعلن إضرابي حتى الموت أو حتى ايقاف النزيف وليتحمل كل واحد منا مسؤوليته التاريخية
شكيب أريج
المغرب/طاطا
matarmatar.blogspot.com
الله البوست ده مؤثر وخلاني اراجع اصدقائي وجزاك الله خيرا على وقوفك مع الحق
واشكرك عى المرور في مدونتي
assafo anaroze
اعتقد ان موقفك كدة سلبي
تقدر توقف نزيف الدم
بالدعاء
بالمقاطعة
بالتيرع
-------------
محمد صلاح
الحمد لله ان في حد انتفع من البوست
جزيت خيرا لمرورك
واهلا بيك دايما
دمت بخير
إرسال تعليق