هنعمل ايه في رمضان ؟؟ ( باختصار )

كل سنة وانتم طيبين

طبعا خلاص رمضان فاضله كام يوم ... ولازم الواحد يكون مستعدله بانه يبدأ يسخن .. ويخطط

من غير بقي ما نقول احاديث وايات فضل الصيام و الكلام الكتير ده .. كفاية نقول ان ربنا فرض الصيام عشان تتحقق التقوي و التقوي معناها ان يجدك الله حيث امرك ولا يجدك حيث نهاك .. و هو ده المطلوب ..

ولو قدرنا نمسك نفسنا شهر يبقي في امل اننا نقدر نمسك نفسنا علي طول و نتخلص من عادات قبيحة ونكتسب عادات حلوة

يبقي خطتنا في رمضان 2009 ان شاء الله تتلخص في الاتي :

1 - انك تقترب من ربنا بأقصي ما يمكن من عبادات

2 - تتخلص من صفات سيئة في نفسك و تكتسب صفات اخري حسنة ( و كل واحد عارف ايه اللي هو محتاجه .. )

3 - تشحن نفسك ايمانيا للسنة القادمة لان رمضان هو شهر الشحن الايماني

4 - تحدد دعوات معينة نفسك فيها وكل يوم تدعي بيها عند الفطار وفي التراويح و في كل و قت اجابة

طب ايه الحاجات اللي هنقاومها في رمضان و نبعد عنها ؟؟؟

1 – الغيبة و النميمة
2 – المسلسلات والبرامج الغير هادفة
3 - كثرة النوم
4 – اطلاق البصر وعدم غضه
5 – كثرة الاكل بعد الافطار
6 – قضاء اليوم كله في المطبخ ( بالنسبة للبنات )

طب والمطلوب مننا ؟؟؟

1 - ختم القرآن مرتين
2 – الصلاه في جماعة أول الوقت + صلاة السنة
3 – قيام بجزء + تهجد ركعتين خفاف
4 – صدقة يومية ولو بسيطة
5 – مشاهدة برنامج ايماني وليكن ( قصص القرآن )
6 – تحديد دعاء معين و التماس مواطن الاجابة
7 - افطار صائم و لو مرة واحدة
8 – صلة الرحم
9 – ممارسة عمل دعوي .

10 - كثرة الذكر

11 - تجديد النية يوميا في الصيام والقيام

طب يا تري شكل اليوم هيكون عامل ازاي ؟؟

صلاة الفجر في جماعة
اذكار الصباح
قراءة جزء قرآن
ممارسة 10 دقائق رياضة
حفظ قرآن
صلاة الضحي
اعمال منزلية وطبيخ
صلاة الظهر في جماعة + سنته
راحة وقت القيلولة
قراءة الجزء الثاني من الختمة
ممارسة هواية او تصفح الانترنت
صلاة العصر في جماعة
الذهاب للمسجد للتحفيظ أو درس علم ( أو اي عمل دعوي آخر)
اذكار المساء

صلاة المغرب + سنته
الافطار
راحة
صلاة العشاء + السنة + التراويح
مشاهدة برنامج ديني
النوم مبكرا
صلاة التهجد و لو ركعتين خفاف
السحور

------------------------------------------------------------

المصادر : درس حضرته + شريط كيف نستقبل رمضان لاستاذ عمرو خالد + تجميع

------------------------------------------------------------

اشوفكم في البوست القادم ان شاء الله

دمتم بخير حال