ثورتنا فريدة من نوعها
شباب مصر وبناتها
مش بس كدة
ده اطفالها و كهولها
----
شايلين في ايديهم مصحف وصليب
ثورة نضيفة من عنف وتخريب
ثورة جمعت كل المهن
مهندس .. نجار .. حداد .. وطبيب
المسلم يصلي و المسيحي يحمي ضهره
و الوحدة تحلى وتطيب
----
قالوا عنا شعب همجي
يرمي الزبالة في الشارع
قلنا لا
ده احنا نضفنا كل الشوارع
اصلها ماكانتش بلادنا
دي كانت بلاده
وكان هو بايع
----
ثورة تشوف فيها منظريشجي القلوب
صفوف بتصلي والأمن يرش بخرطوم
و كأن قلبه من صخر أو طوب
بالإيمان و الثبات ده
نصرنا علام الغيوب
----
ميدان التحرير
اقولك يا سيدي عليه
خد منه عينة
هتلاقي فيه
ركن العيادة و الفن و اللعب والترفيه
و كأن معتصميه
عايشين حياتهم طبيعي
بقوة أسود و يقين في النصر
نحسد عليه
----
قال ثورة مضادة قال !! ..
هم فاكرينا من الهند و راكبين الافيال*
عشان نقع في الفخ كالبغال
ده بإذن الله محال
----
و لو قالوا فتنة طائفية
هنقولهم دي شدة وتزول
بالتخلي عن الحمية
و بقايا عهد الفلول
و احنا عاوزين نفرح رسولنا
و نشرب من ايده شربة هنية
و نقول مسلم ومسيحي ايد واحدة
لو حتى مات منا مية
------------------------------------------------------
* دي مش تريقة على الهنود .. ناس جاية من الهند و بتتعامل في مصر .. اكيد هيكونوا غير موفقين ... وهو ده المقصود .
هناك 7 تعليقات:
اولا انا سعيدة جدا انى شفت المدونة الجميلة دى جدا وسبحان الله انها جت معايا بالصدفة بس فعلا انا أتشرف انى أشارك المدونة دى مع مدونتى فياريت تقولوا لى الطريقة وشكرا
بصراحة
نورتي المدونة
و جزاك الله خيرا على تعليقك
بالنسبة للمشاركة .. انا مش فاهماكي ؟
يعني عاوزة تشاركي ازاي ؟؟
ياريت تقوليلي
ربنا يديم عليكم اخلاق الثورة الجميلة .. والتي نفتقدها بعد ما انتهت الثورة ..
سعيدةبمروري هنا لاول مرة وان شاء الله من المتابعين..
دمت بخير وتقبلي خالص تحيتي وتقديري.
IЎЇm delighted that I've observed this weblog. Lastly anything not a junk, which we undergo extremely frequently. The website is lovingly serviced and saved up to date. So it need to be, thanks for sharing this with us.
فكرتينا بالذى مضى
يا رب نرجع كلنا لحماسه واخلاق الثورة تانى
نورتى مدونتى
واسعدنى تعليقك عليها جدا
وجع البنفسج
انا كمان سعيدة بمرورك و يارب ما تبقاش اخر مرة ..
---------
محبة الرحمن ..
انا اللي سعيدة بمدونتك و ربنا يوفقك
دمت بخير حال
جيد جدا
-----------
ثورة نضيفة من عنف وتخريب
ثورة نضيفة من غير عنف وتخريب جرسها أحلى .. شوفي رأيك برضه
-------------
ثورة تشوف فيها منظريشجي القلوب
يدمي او اي لفظ تاني ممكن يكون احلى من يشجي غريب ع الاذن وخصوصا مع العامية
إرسال تعليق