ليه تتريق عليه ؟
مين قال انك أحسن منه ...
وليك فضل عليه !
***
لو أخلاقك حلوة
كنت هتحافظ عليه
من أي كلمة أو همز ولمز
ممكن يسئ إليه
ممكن يسئ إليه
لأنه مش بس أخوك
في دينك أو في وطنك
ده كمان أخوك من أب
الملايكة سجدت ليه
و مش هتحصله في الجنة
إلا وكل لفظ متحاسب عليه !
****
ليه مثلا تسخر من الصعايدة
هم عملولك إيه ؟
أمال العقاد و الطهطاوي
دول كان منشأهم إيه ؟
نورولنا عقولنا بعلم
كنا في اشد الاحتياج إليه ..
****
قوللي بقى ..
ليه تنكت على إنسان
انت مش عارف نهايته ايه !
لو كان نار
يبقى ياخد من حسناتك ليه !
و لو كان جنة
يبقى يصح انك تضحك عليه ؟؟؟؟
هناك 11 تعليقًا:
لا فرق بين عربى وعجمى الا بالتقوى
صدقت والله ...
اشكرك لمتابعتك
اكتر حاجه بتضايقني لما يكون في اجتماع في فرح او مناسبه ويبتدي الناس تتريق علي بعض
بقا عادي علي فكره ان حتي لو حتي معدي من قصاد حد تلاقيه اتريق عليه عادي
وهمه مش دريانين انهم بكده بياخدوا ذنوب عظيمه
فعلا بقت حاجة هينة في أغلب مجلسنا
الا من رحم ربي .. ربنا يرزقنا الهداية والثبات ..
جزيت خيرا على مرورك الكريم
قال تعالى ولايسخر قوم من قوم تخيلى لو التزمنا بماجاء به القرآن كان شكل حياتنا بقى ايه
تسلمى اناملك لما خطت
اه والله ... وليس المؤمن بالطعان ولا اللعان ولا الفاحش ولا البذئ
دمت بخير حال
فعلا السؤال ليه ؟؟
ايه اللى بنستفيده ؟؟
يـا رب نتعلم
أصعب حاجة فعلا يوم القيامة يوم الحسـاب لما نواجه بعض
ربنا يهدينا لما يحبه ويرضاه.
معلش ردى متأخر شوية مش بدخل كتير ^_^
تحياتى ويا رب دايمًا فى أحسن حال :)
فعلا عندك حق والله ... هنقول ايه وقت الحساب !؟؟
منوراني دايما يا حبيبة (:
صدقت
ج جدا
:)
إرسال تعليق