عمل " و " مناسب

في رحلة بحثي عن عمل .. سألت نفسي سؤال :

هو أنا بدور على ( عمل مناسب ) ولا ( عمل "و" مناسب ) ؟؟

سامعة حد بيقوللي : إيه الفزلكة دي !! .. أهو شغل وخلاص ! هو حد لاقي !!!

لأ
معلش تفرق كتير 

( العمل المناسب ) 
هو عمل مناسب لقدراتك أو ميولك و متطلباتك .. لكنك ممكن تبقى بتروح و مش بتشتغل بكل طاقتك فعلاً !!
يعني قد يكون ( مناسب ) بس مش ( عمل ) !

أما ( العمل "و" المناسب ) حرف الواو فرق جداً ..
يبقى انت بتبحث عن ( العمل ) كقيمة .. 
انت عاوز تشتغل بجد
 "و" 
كمان يبقى مناسب ..

هو ده اللي المفروض أي حد بيدور على شغل يكون بيدور عليه .. ( العمل ) و ( مناسبة ) العمل له .

دي كانت ملحوظة صغيرة للناس اللي بتدور على شغل .. وما أكثرهم (-:

يارب شغل كل الناس اللي نفسها ف شغل 
ورضيهم بحالهم 
وارحم بلادنا من البطالة المقنعة
اللهم آمين 
وكل عمل وانتم طيبين ^_^

-----------------
ذات النطاقين 
1/4/2013