طريقك للتفوق العلمي (تاج التفوق # 1/ استراحة )

السلام عليكم ورحمة الله و بركاته ..

المرة دي هتكون استراحة ما بين محطات التفوق ...

و هي عبارة عن الجائزة لمسابقة المحطة السابقة ..

المحطة السابقة كان فيها سؤال في الاخر و هو : ماهي قصة النسر والدجاجة و ما علاقتها بالتفوق والنجاح و موضوع البوست ؟ ..

و الجائزة عبارة عن ....

تاج أو حوار مع الفائز (:

إليكم نص الحوار ...

 اسمك ايه ؟

 يوسف اشرف

 في سنة كام ؟

في تانيه اعدادي

      

  حلمك انك تكون ايه في المستقبل ؟

  عايز اكون مذيع علي التلفزيون

    

 يا ترى بتحب الدراسة ؟ و لا بتكرهها ؟

   يعني مش قوي

        

     اكتر مادة بتحبها إيه ؟

     العلوم

هواياتك ايه ؟

·         الرسم و الكوره علتلفزيون بس بعد معرفت الفيس علقتي اتدمرت مع التلفزيون خالص

        

نصيحتك للشباب و البنات عامة .. و للطلبة على وجه الخصوص ؟؟

متشربوش سجاير .
متصحبوش ولاد.....
ركزوا في المناهج ربنا يوفقكم و تفلحوا

 هل لديك أقوال أخرى ؟

  لا يا سياده المفتش :D

* * * * *

ده كان تاج التفوق الأول ... و كان مع الطالب يوسف ..
ان شاء الله في المستقبل هيكون في تيجان أخرى ..

اسيبك مع قصة النسر والدجاجة .. عشان تراجع نفسك لو انت طالب او حتى خريج بس نفسك تنجح و تتفوق .. وتقارن نفسك بالنسر اللي ... 
اسيبك مع القصة أحسن (:

  * * * * *

    يحكى أن نسرا كان يعيش في إحدى الجبال ويضع عشه على قمة إحدى الأشجار، وكان عش النسر يحتوي على 3 بيضات، ثم حدث أن هز زلزال عنيف الأرض فسقطت بيضة من عش النسر وتدحرجت إلى أن استقرت في عش للدجاج، وظنت الدجاجات بأن عليها أن تحمي وتعتني ببيضة النسر هذه، وتطوعت دجاجة كبيرة في السن للعناية بالبيضة إلى أن تفقس. وفي أحد الأيام فقست البيضة وخرج منها نسر صغير جميل، ولكن هذا النسر بدأ يتربى على أنه دجاجة، وأصبح يعرف أنه ليس إلا دجاجة، وفي أحد الأيام وفيما كان يلعب في ساحة عش الدجاج شاهد مجموعة من النسور تحلق عالياً في السماء، تمنى هذا النسر لو يستطيع التحليق عالياً مثل هؤلاء النسور لكنه قوبل بضحكات الاستهزاء من الدجاج قائلين له: ما أنت سوى دجاجة ولن تستطيع التحليق عالياً مثل النسور، وبعدها توقف النسر عن حلم التحليق في الأعاليً، وآلمه اليأس ولم يلبث أن مات بعد أن عاش حياة طويلة مثل الدجاج.

 * * * * *

 أنت متفوق بالفطرة .. يعني انت نسر بالفعل .. مش دجاجة 

بس الجو المحيط بيك ممكن يشعرك بإنك دجاجة ولست نسراً ..

 ياترى هتاخد قرار و تنضم لسرب النسور .. ولا ..؟

دمتم بخير حال يا نسور المستقبل (: