موضوع كنت كتبته و نشرته عالفيس من فترة .. بس بعيد نشره تاني عالمدونة نظراً لأهميته
اسيبكم مع نص الكلام ...
* * * * * * * * * * *
يا شعب الفيس العظيم
هدف الفيس هو التواصل الاجتماعى يعني الناس تضع :
صورتها الشخصية + معلومات عنها ( عنوان وتليفون و مكان العمل و الهوايات ووووو )+ شبكة المعارف ..
في رأيي ان دي معلومات يسيل لها لعاب أي دولة معادية
وده مش اكتشاف خطير على فكرة وانا نوهت عنه زمااااان اوي ...
و الفيس من السهل جدا التجسس عليه .. مهما كان الجروب ( secret ) و خلافه ( اذا كان طفل اخترق موقع وزارة الدفاع الامريكية .. يبقى المحترفين مش هيخترقوا موقع اغلب صفحاته مفتوحة عالبحري !! )
واحنا كعرب قبل ما نكون مصريين بنفرح بالتكنولوجيا من غير ما نفكر هم صدروهالنا ليه !
حد سأل نفسه قبل كدة هم ليه نشروا تكنولوجيا الاتصالات و ابرز مثال ليها هو الموبايل ؟؟
رغم انه زمان كان يعتبر وسيلة تجسس ؟؟
حد سأل نفسه ليه اصلا الانترنت ( مش هقولك الفيس ) بقى متاح لينا رغم انه كان برضو من الاسرار الحربية ؟
طب حد خد باله ان في الآونة الأخيرة اصبح أي برنامج تنزله عالموبايل أو أي تابلت بيطلب انه يدخل على بياناتك الشخصية اللي ملهاش علاقة بمجال عمل البرنامج ؟؟
واحنا طبعا امة اقرأ ،... وما بنقرأش و نوافق و بنضغط على زر التحميل و بالهنا و الشفاء يا أعدائنا
اللي هيقوللي دي نظرية المؤامرة
هقوله اه طبعا نظرية مؤامرة وانا مقتنعة بيها جدا ..
لأن الحداية مش بترمي كتاكيت و التجسس بقى عالمكشوف !
و لو انت مش مقتنع ما تكملش قراءة للآخر عشان ما تضيعش وقتك !!
أما بقى اللي عاوز يسد ثغرة أو بمعنى أصح ما يبقاش هو الثغرة اللي يغزونا بها العدو ( الغزو المعلوماتي )
فعليه بالآتي :
- لا تضع الا المعلومات الضرورية عالنت خصوصا الفيس بوك
- لما تيجي تنزل برنامج اتأكد وانت بتحمل انه مش هيدخل على بياناتك الشخصية
- ابتعد عن أي جهة غير موثوق فيها بتشتغل في التوظيف و تقولك ابعت السي في بتاعك
- ما تساعدش في نشر اي خبر .. لأنه ممكن يبقى اشاعة يطلقها العدو ليعرف مردودها عالمجتمع
- و بالمرة بقى .. لا تتباهى بمعرفتك لمعلومات و تنشرها .. لان انت كدة ممكن تبقى بتشتغل لصالح العدو دون ان تدري !!
-------
حاجة اخيرة بقى ...
-------
حاجة اخيرة بقى ...
احنا ممكن نستغل الفيس بشكل كويس ... يعني بدل ما يبقى نقمة .. يبقى نعمة .. وفي ناس فعلا بتعمل كدة و هم كتير الحمد لله ... بس لو ما كنتش منهم .. ليه ماتبقاش منهم ؟؟
يعني
ابعد عن الالعاب ... و الشات الغير مفيدة ...
و ماتكترش من الشير لحاجات مملة على غرار الحكم اللي مالية الفيس وكأننا كلنا بقينا فلاسفة و الحمد لله !!
- أمال اعمل ايه يعني ؟؟!
اكيد انت هتقول كدة ..
خليك مع الناس اللي ذكرتهم من كام سطر فاتوا ..
الناس اللي بتخلي الفيس يخدمهم مش هم اللي يخدموا اللي عاملينه !
-----
بالمناسبة في دراسة قرأتها قريب بتقول ان الفيس بالذات بيجيب اكتئاب
معلش طولت عليكم
---
حفظ الله الفيس و الفيسبوكيين (:
هناك 8 تعليقات:
التكنولوجيا سلاح ذو حدين
وكلامك صحيح طبعا ان ده وسيلة تجسس وفيه هدف تانىللفيس أكبر بكتييييييييييييير من الى مكتوب لكن طبعا ممكن لو اتكلمتى عنه الغالبيه هيقولوا كل حاجه بتنسبوها للهدف ده ولذلك محدش كتير بيتكلم فيه
يكفى انى اقول ان الفيس هو البدايه لاكبر مخطط دمج للفكر العالمى واختلاط الحضارات وتفويت معلوماتى بين الدول والمؤامره مش على العرب بس إنما على كل دول العالم حتى امريكا نفسها ممكن متصدقيش بس حقيقى الكلام ده وفعلا هو بقى اشهر وسيلة تجسس معلوماتى حتى على الشات الشخصى بيشوفوا وصلنا لإيه فى الأفكار والحديث والإهتمامات وطبعا محدش تايه عن الى بيشغل العرب من موضوعات
تحياتى
ياريت توضح اكتر لاني عاوزة افهم
وشكرا على مرورك الطيب
تكمله للحديث وطبعا كل واحد من حقه يصدق ده أو يكذبه ولكن فيه دليل فى النهاية لكلامى
الهدف الرئيسى من الفيس بوك هو توحيد الأفكار من أجل حياة أكثر التئام وكفاءة من وجهة نظر اصحابه
الهدف من الفيس هو إختزال البشرية بالكامل ل500 مليون شخص فقط فبالتالى لازم تقع الحروب الى تقضى على الأعداد الباقيه
الهدف من الفيس هو ايمان مجموعه من الأشخاص بقدوم المسيخ الدجال الى بيعتبروه اله وطبعا لهم وسائل لتمهيد ذلك ولكن ينكرها الغرب من بعض الوسائل المثلات المنتشره بالتوازى على منتصف القرى الأرضية والى طبعا فى دماغهم انها هتتفق مع تراصف نجمى هيظهر من خلاله المسيخ "أكيد عقلك بيقولك ده خرافه " ولكن كما هو معلوم فى دينا ان أحد أحبار اليهود سيمهد لألوهية المسيخ الذائفة وكمان النصب الذكارى الى مبنى باكتر من مليون دولار فى تركيا ومكتوب عليه بعشر لغات عليها عشر نصايح منها الكلام عن ان النسل البشرى لا يزيد عن 500 مليون على الأرض كلها
الهدف من الفيس هو دمج الفكر العالمى لفكر واحد فقط وهو فكر المتنورين
ولتوضيح أكتر المتنورين جماعه يطلقون على ذاتهم الجماعه النورانيه وطبعا لو قراتى ليهم هتلاقى كل كلامهم عادى عن مجالات الطاقه فى الجسد البشرى وارتباطها بالطبيعه وإزاى الطاقات دى هى الى بتكون الروح واجساد الجن وليهم كلام عن مجالات الطاقه انها هى الى بتتحكم فى مصائرنا وغيرها وطبعا كلما تعمق الإنسان فى قراءة هذا الكلام فهو ينتقل من فكره لفكره حتى تصل لفكرة الشيوعية وعدم وجود اله واليعاذو بالله وطبعا فى نهاية التعمق هيوصل الإنسان إنه هيحاول يتعلم على ايديهم الفكر النورانى الى طبعا لو واحد مسلم ومش فاهم كويس او ثقافته قليله هيقول انه كلام لا يختلف مع ااديان ككل ولكن فى النهايه سيجد نفسه كافر
وبالمناسبة كلمة ورانى هى المرادف لكلمة ماسونى أى أن الفيس بوك أسس من أجل دعم فكرة الماسونية وجعل العالم كله كتله واحده عن طريق جذب معظم أفراد العالم كله للفيس وبث الأفكار عن طريق الفيس
وعلى فكره السفر المكانى الى انا اتكلمت عنه كتطبيق للعقل هو ليس تناسخ أرواح ولكنه احدى المعلومات الخاطئة التى تنشر على الفيس بوك من شباب عربى كثيرين والمصدر فى النهاية ادارة الفيس بوك ولكنى لم أكتب ذلك فى مدونتى لانه ممكن أى حد يحاول يبحث فى السفر واكتفيت انى أذكر انه تطبيق غير حقيقى لقدرة العقل البشرى فقط باسلوب مبهم بعض الشئ وكانت مفجأه انك اتكلمتى عن الفيس وفرصه لتوضيح ذلك
فهدف هؤلاء إزاحة الحدود بين الدول ولكن تحت راية واحده كافره هى راية المسيخ وعندهم أهداف بيحاولوا يعملوها تمهيدا لظهروه لانهم من جواهم بيامنوا بيه جدا بس مستحيل حد فيهم يوصلك ده الا لو الواحد تدرج فى كتبهم من استعمال الطاقه فى السيطره على المديات حتى يهئ لتلميذه انه اقرب ما يكون من اله وليس بشر ده كلام فى الفكر الماسونى عموما ولكن الفيس بالتحديد هو خطوه من أجل تنفيذ ذلك
لمعلوماتك الشخصية مارك لوكزنبرج مؤسس الفيس بوك
الذى كان طالبا عاديا لا يمتلك الكثير من الأموال وأنشئ موقع للتواصل الإجتماعى بين طلاب الجامعات حتى بات سائد على العالم كله وكان سبب فى الثورات العربية بيد خفيه من مؤسسات خارجيه تبث افكار للعرب ويقوموا بترجمتها فقط وما لبث الفيس حتى أصبح يمول من أكبر شبكة مخابرتيه فى العالم ومن أكبر اتحاد نورانى كذلك وهذا له ارتباط بعلامة الهرم والعين التى تعلوه على الدولار. المؤامره على العالم كله وليس العرب فقط أو للتجسس فقط فالمخابرات قادره على التجسس انما الفيس قادر على تغير عقلية شعوب .
ولمعلوماتك الشخصية ايضا الملياردير مارك لكزنبرج مؤسس الفيس بوك اغتنى فى اقل من خمس سوات مع العلم إنه من مواليد 1988 يعنى 25 عام فقط
اخر ضريبة تم ربطها على الفيس بوك مليار و200 مليون دولار أمريكى
تصورى مقدار مكاسب الفيس بوك
وكدليل على كلامى من لسان مارك لوكزنبرج نفسه ارجوا الإطلاع على هذا الفيديو ويفضل لو تنشريه فى الموضوع بالإضافه لما وصلك من معلومات فى كلامى اذا كنتى مقتنعه بده بعد متشوفى الفيديو
ده رابط الفيديو وأتمنى تبلغينى برايك بعد متشوفيه
http://www.youtube.com/watch?v=VvTNLZ_kFoM
ارجوا مشاهدة الفيديو بالجوده العاليه لرؤية الترجمة جيدا
تحياتى أختى العزيزة
أسف على الإطالة لم اتخيل ان الرد هيكون كبير كده
طيب نقول السلام عليكم
واحب اسجل اعجابي بالمدونة والاسلوب
واما عن الموضوع فكل شيء تقريبا منخلال إستعمالنا له
إما أن يكون نقمة أو نعمة
---------------
وطبعا جميل تنبيهاتك ولمحاتك ونصحك
واتمنى الكل يستفيد مما يتاح من تكنولوجيا وغيرها
جزاكم الله خيرا
وننتظر القادم أختنا
-----
محمد
أولا .. جزاك الله كل خير على الاهتمام و الرد ..
ما تقوله انا شبه مؤمنة بيه .. لاني كنت بتفرج على د مايا صبحي و كانت بتقول كلام شبيه بدة
و الفيديو غريب فعلا !!
شكرا على التوضيح .. و هحاول اضع اللينك بتاعه عالموضوع
دا انا اللي آسفة على التأخير في الرد
جزاك الله خيرا مرة اخرى
و عليكم السلام
شكرا على مرورك الطيب
و جزيت خيرا على التعليق
إرسال تعليق